| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 24.136 | Dem. 24.138 (English) | >>Dem. 24.141 |
24.137εἶτα τούτοις μὲν ἔδει κυρίους τοὺς πάλαι κειμένους νόμους εἶναι , καὶ δεδωκέναι δίκην αὐτοὺς κατὰ τοὺς ὑπάρχοντας νόμους · διʼ Ἀνδροτίωνα δὲ καὶ Γλαυκέτην καὶ Μελάνωπον καινὸν δεῖ γενέσθαι νόμον , διὰ τοὺς ἑαλωκότας καὶ ψήφῳ κεκριμένους κατὰ τοὺς πάλαι κειμένους νόμους καὶ δόξαντας ἔχειν ἱερὰ χρήματα καὶ ὅσια ; εἶτʼ οὐ καταγέλαστος δόξει ἡ πόλις εἶναι , εἰ τοῖς ἱεροσύλοις , ὅπως σωθήσονται , νόμον φανεῖται τιθεμένη ; ἔγωγʼ οἶμαι .
24.138μὴ τοίνυν ἐάσηθʼ ὑμᾶς αὐτοὺς ὑβρίζεσθαι μηδὲ τὴν πόλιν , ἀλλὰ μνησθέντες ὅτι Εὔδημον τὸν Κυδαθηναιᾶ νόμον δόξαντα θεῖναι οὐκ ἐπιτήδειον , οὐ πάλαι ἀλλʼ ἐπʼ Εὐάνδρου ἄρχοντος ἀπεκτείνατε , καὶ Φίλιππον τὸν Φιλίππου τοῦ ναυκλήρου υἱὸν μικροῦ μὲν ἀπεκτείνατε , χρημάτων δὲ πολλῶν αὐτοῦ ἐκείνου ἀντιτιμωμένου παρʼ ὀλίγας ψήφους ἐτιμήσατε , ταύτην τὴν ὀργὴν καὶ νῦν ἐπὶ τουτονὶ λάβετε , ἐκεῖνο πρὸς τούτοις ἅπασιν ἐνθυμηθέντες , τί ποτʼ ἂν ἐπάθετε ὑπὸ τούτου αὐτοῦ , εἰ οὗτος εἷς ὢν ἐπρέσβευεν ὑπὲρ ὑμῶν . οἶμαι γὰρ τοιοῦτον οὐδὲν εἶναι ὅτου ἂν ἀπέσχετο . ὁρᾶτε δὲ τὴν διάνοιαν αὐτοῦ · ὁ γὰρ νόμος ὃν ἐτόλμησε θεῖναι τὸν τρόπον αὐτοῦ δείκνυσιν .
βούλομαι δʼ ὑμῖν , ὦ ἄνδρες δικασταί , ἐν Λοκροῖς ὡς νομοθετοῦσι διηγήσασθαι · οὐδὲν γὰρ χείρους ἔσεσθε παράδειγμά τι ἀκηκοότες , ἄλλως τε καὶ ᾧ πόλις εὐνομουμένη χρῆται . ἐκεῖ γὰρ οὕτως οἴονται δεῖν τοῖς πάλαι κειμένοις χρῆσθαι νόμοις καὶ τὰ πάτρια περιστέλλειν καὶ μὴ πρὸς τὰς βουλήσεις μηδὲ πρὸς τὰς διαδύσεις τῶν ἀδικημάτων νομοθετεῖσθαι , ὥστʼ ἄν τις βούληται νόμον καινὸν τιθέναι , ἐν βρόχῳ τὸν τράχηλον ἔχων νομοθετεῖ , καὶ ἐὰν μὲν δόξῃ καλὸς καὶ χρήσιμος εἶναι ὁ νόμος , ζῇ ὁ τιθεὶς καὶ ἀπέρχεται , εἰ δὲ μή , τέθνηκεν ἐπισπασθέντος τοῦ βρόχου .
24.139
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 24.136 | Dem. 24.138 (English) | >>Dem. 24.141 |
